一個設置得宜嘅焚火台，足以變做你成晚嘅焦點

靜靜咁對著個火，飲住杯約翰走路，聽住木材嘅爆裂聲；
完全令你忘記平時會開嘅Netflix、電影、聽歌或者打機。
（*威士忌中文譯名中，店主R最鍾意就係約翰走路，
換成廣東話就更具餘韻LOL）

不過焚火台的確唔係人人都負擔得起，講緊嘅唔係價錢，而係重量同體積。
玩UL嘅朋友頂多帶個迷你鈦柴爐，要孭住個焚火台周圍走真係辛苦過毅行。
市面上其實都有好多款式嘅焚火台，究竟邊款焚火台先最好用？

世事無完美嘅，唔同款式嘅焚火台各有所長。今次先同大家講幾個重點。
第一點，你嘅焚火台係用嚟純焚火，定係想煮食甚至燒烤呢？
如果係前者就比較簡單，後者嘅話就要考慮焚火台可否加配煮食用嘅配置，
例如係可以平置鍋具嘅架，或者燒烤用嘅烤網。另一樣嘅考慮就係焚火嘅面積大小。
如果焚火嘅面積太細，可以煮食嘅範圍就會相對收窄。

第二點嘅係，焚火台選材嘅影響。揀鈦、鐵、定係不鏽鋼，重量當然係一大考慮。
另一樣緊要嘅係變形嘅機會，因為焚火台會長時間處於高溫狀態，太薄嘅材料用耐咗會好大機會變形，組裝嘅時候就會唔啱位裝唔實，用用吓散咗或者跌咗個煲之類就gg了。仲有，生鏽與否都係另一個經常被問到嘅問題。好多人以為不鏽鋼就唔會生鏽，其實不鏽鋼只係「比較」唔容易生鏽，喺高溫情況下倒水落去一樣會生鏽，或者晨初時分嘅露水霧水都會令佢生鏽；鈦金屬就冇生鏽嘅問題，不過受上面所講嘅情況，都會變成啡啡哋嘅顏色咁。

下次就會重點同大家分享下焚火台生火同用火嘅唔同實況比較。

#森淼山具社 #露營美學 #重裝露營 #焚火台 #柴爐 #火箭爐 #露火爐
#焚火 #柴火 #炭火

​
露營椅選擇篇《下》-露營最重要setting！​
​
正所謂露營set得好，衰極都有個譜。​
而setting其中一個核心就係露營椅！​
今回將會講埋：舒適度、泛用性，​
睇完後，就知點揀！Let’s go！​

​
舒適度，要睇嘅係 包覆性同椅子高度、角度，​
高度要視乎桌子高度，跟返用開張桌子，矮少少都OK。​
角度則視乎用途，如果只係用嚟Hea， 就可以選擇 往後傾斜，​
但露營時， 通常都要 坐喺度煮嘢食，咁樣嘅話向前傾就比較方便。​
唔使離背， 就可以處理到大部份工作。​
而包覆性，就睇 張凳可以包到個人幾多，​
包得越多，通常承托力越好， ​
當然唔同物料承托力亦都有分別。​
一般來講越挺身， 就要舒服。​
如果太軟身，坐一陣就會腰痛。​
​

泛用性， 重點係睇究竟可唔可以連屋企都用埋​
有啲露營椅，家用就非常尷尬。​
呢排外型都好有影響，​
但通常照揀物料好嘅，​
屋企用、露營用都會變得非常美觀，​
大家選購時，可用考慮埋呢點。​
​
露營初心者們，睇完仲未揀到，​
都可以PM我哋，大家交流吓呀！​
​
如果想睇返之前介紹，或send比朋友，​
都可以上我哋網站重溫！​
​
#森淼山具社​
#summitdept​
#露營初心者

露營椅選擇篇《上》-初心者四點選擇

露營最重面係凳！
但作為露營初心者，又點揀好嗎？
等森淼用兩篇，為你分析啦！

首先，我哋可以用呢四點選擇。

1.收納形狀、尺寸
2.舒適度（包覆感、物料）
3.泛用性（可調整性）
4.造型

係呢篇，我哋率先會講：收納形狀、尺寸

收納係露營椅嘅重點

如果唔夠夠收納，
根本上同普通椅係無分別！
收納形狀，係放唔放得落袋嘅關鍵！
主要分為「柱型」同「板型」，
柱型較細，板型通常都較耐用，
買之前要留意，同時當收納變型時，
麻唔麻煩都係重點，以kermit chair為例
用板型收納時，非常方便，
但變為柱型時就非常麻煩，
呢Part買前最好試一試先！

另一個例子為：Helinox comfort chair

收納方便，體積亦合理，
只需少少技巧，就可以簡單開展，
但唔同物料嘅Helinox comfort chair，
亦有分別，亦會影響舒適度，露營初心者要留意呀！

講住咁多先，下篇講埋舒適度、泛用性，
大家要跟貼留意森淼，
同埋想睇返，或send比朋友，
都可以上我哋網站重溫！

#森淼山具社​
#summitdept
#露營初心者

森淼夏日之大敵。蚊🦟🦟🦟香篇

蚊，一種2億年前三叠纪已經出現嘅生物，
多年嚟一直令人類非常頭痕，同身痕。
唐朝詩人韓偓都忍唔住放負「不道慘舒無定分，卻憂蚊響又成雷。」
至於人類滅蚊嘅歷史就更加波瀾壯闊 – 由毒性甚強嘅DDT，
到利用輻射、基因改造等方法令雌蚊不孕，經過萬千種試驗，
直到今日，滅蚊都係回歸到幾個基本法則 – 誘捕、驅趕、防禦。

其中一個最歷史悠久嘅一定係使用蚊香驅趕。而蚊香嘅發明都幾有趣 –
大約喺1886年，山英一郎先生經由福澤諭吉先生嘅介紹 （福澤諭吉係印喺
日元紙幣一萬yen上嘅大人物），得到除蟲菊嘅種子混合線香，研發而成世界上
第一支捧狀蚊香，名為 「金鳥香」。冇錯，最初嘅蚊香並唔係一圈圈咁㗎，
直到某日山英一郎嘅太太喺倉庫見到捲埋一餅嘅蛇而獲得靈感（所以話聽老婆話會發達）！

到咗依家，蚊香依然係其中一個有效嘅驅蚊方式，而且大家對蚊香品質嘅要求亦提高
咗好多，成分要天然，吸入體內亦無害，又要煙霧唔刺眼，又要有效驅蚊。
不過都戴個頭盔先！有冇效嚟講有好多因素，下篇再傾！

呢邊買:

金鳥渦卷

T.S.L CUB Mosquito Coil Ashtray 銅製蚊香座連收納袋

#森淼山具社 #露營美學 #重裝露營 #蚊係森淼天敵 #金鳥蚊香 #蚊香 #驅蚊 #滅蚊

營火好有Feel 之「井型」篇

【亂。細。下，森淼一歲喇！】

當世界處於亂世時，森淼亦都喺亂。細。下，迎接一歲之日。細就唔使講啦，嚟過嘅朋友都知我哋係真小。店，細到癲！亂嘅係，有時好多地方都做得唔好，啲貨收得亂，訂單會搞亂，陳列品擺得亂，總之好襯依家嘅大環境。
好彩一直多得各方好友包容同欣賞，令我哋負負碌碌過到一年。森淼賣嘅唔係啲大路嘢，喺呢條又窄又見唔到其他友店尾燈嘅路，我哋會盡力做好啲，希望為大家山上嘅回憶，增加一點快樂同溫暖。同時都希望全世界多個正身處苦難中嘅地方，盡快恢復和平。所有邪惡暴政極權獨裁快啲收皮，唔好再阻L住我哋個咁靚嘅地球轉。
P.S. 我哋快將推出一週年嘅特別活動，敬請各位留意。

#森淼山具社
#summitdept
#露營美學
#森淼一週年
#世界在變天

Old mountain限定銅製登山杯，新年來襲！​

Old Mountain x Somabito 聯乘大人氣商品，​
可跟份量線加入米同水，煮出完美登山白飯，​
配合同系列登山飯蓋時，​
立即顯出日本人對飯既執著、熱誠。​
單獨使用，亦係一個好好既煮飯器具。​
飯桶們，今次呢個限定單品絕對唔可以錯過呀！​

​
大家可以持續留意森淼嘅Ig報道​
www.summitdept.com/​
​
#森淼山具社​
#summitdept ​
#森想事成​
#山年快樂​

【幾唔鋒利嘅刀，都有切親嘅機會】​

​
嚟過森淼嘅朋友，應該都知我哋只有賣一款折疊刀；一嚟我哋唔係刀具專家，同時亦只想介紹款式特別啲嘅刀。突然想開po講刀，係因為有時見到嚟睇刀嘅客人，開刀同收刀嘅動作充滿視覺衝擊，有少少戥佢哋擔心。所以就想以我哋非常有限嘅知識，分享少少戶外用刀時要注意嘅嘢，希望大家無論係去重裝露營又好，帶把Pocket knife 玩UL都好，希望大家用刀用得開心之餘，都玩得安全啲。​
​
首先，究竟利刀安全啲，定鈍刀安全啲呢？對於初接觸刀嘅朋友，第一眼見到刀，通常反應係「咁利好危險」！啱！有危險意識係好正確㗎，而實際上用起上嚟，利嘅刀係會安全啲 （當然前提係用啱方法啦）。試諗吓，用把冇咁利嘅刀，代表需要切多幾下，而每切多一下，其實就多一次切親嘅風險。（唔好以為鈍嘅刀就唔會切親，​
鈍刀切親嘅傷口其實比起利刀更唔齊整，更難復原得好。）​
​
另外，好多時喺戶外環境，尤其係一班人去露營，當用緊刀時，無論係切菜、削柴枝、玩木雕都好，​
四周嘅人好容易喺你唔察覺嘅情況下走近，特別係有小朋友嘅環境，危險好易就此發生；喺外國學習野外課堂101就有個好好嘅concept叫Blood Circle / Blood Bubble，意思係以雙手橫向伸展而成一個360度嘅範圍，喺呢個範圍外嘅人，​
唔可以走入正喺度用緊刀嘅範圍內。呢個理念係需要大家一齊認知同實踐先最有效，下次成班人去戶外玩嘅時候，不妨一齊練習試吓吖！​
​
下篇會講吓揸刀同用刀時注意嘅事項㗎。​
​
#森淼山具社     ​

#重裝露營    

#露營小知識     ​ ​

#露營刀具

【我想去郊野，唔係膠野】

無論鍾意重裝露營又好，追求極輕嘅朋友都好，去野外玩都應該知道，
喺野外亂拋垃圾係幾咁唔啱嘅行為，更加違反森淼一貫嘅露營美學同哲學。
不過近排天涼，山野越嚟越多人，又開始見到有不同嘅谷友分享，
野外垃圾又多返 (唉，定根本冇少過) ⋯⋯

其實除咗啲 Every mama is a woman嘅物件，例如膠袋鋁罐之類唔應該亂掉之外，
好多人以為可以「回歸自然」嘅物品其實都唔應該亂拋喺野外。
好似啲食物、果皮、果核之類，除咗好易發臭惹蚊蟲，佢哋分解嘅時間都唔係大家
ff中咁短，由幾個禮拜到幾個月都有。（一塊橙皮就要起碼6個月先分解到）
另外仲有好多人亂掉嘅口罩。早前行郊遊徑，經過一排古舊村屋。幾家人門前都掛有手寫牌，懇請途人唔好掉啲口罩喺佢哋門前花糟度，睇到O晒嘴⋯⋯

當然唔少得最遺禍人間嘅發泡膠啦，要成10,000年先分解到，係一萬年吖！
即係假設我有100歲命，要輪迴100次先件發泡膠先分解到⋯⋯
最後唔想講咩愛護大自然啲廢話，只想講雖然大自然唔識講自己承受咗幾多，
但係大自然已經反撲緊，人類好易就gg （又想睇多次風之谷同幽靈公主）。

#森淼山具社  

 #露營美學  

 #重裝露營

特大營火魂-SomAbito六角焚火台『FIRE NEST』​
​
營火，係露營嘅靈魂。​
一個好嘅焚火台，足以燃燒氣氛。​
​
SomAbito六角焚火台，​
以六角底盤配以火紋鐵藝擋風板組合，​
六角底盤可獨立選擇及使用，​
大容量柴木位置，​
可以容納更多燃料，起出大型營火。​
腳架二段調高，可隨營火場景調控。​
​

再配合不同配件、產品，​
可組出營火煮食系統及其他玩味setting。​
未來重裝露營當道，car camp裝備不斷升級，​
而核心都以營火為主，一個高階焚火台不可或缺，​
今回，SomAbito六角焚火台，​
黑魂造型，玩營火，玩出更型格。​
​
​
大家可以持續留意森淼嘅Ig報道​
同喺可以喺呢度入手↓↓​

SomAbito六角焚火台『FIRE NEST』​
​
#森淼山具社​
#summitdept ​
#露營美學 ​
#營火配置​

【冬季圍爐必入- Gasware T-Heater】

天氣開始凍，對住夜空傾吓偈睇吓星，但露營地點又唔可以生火取暖？大熱到貨嘅韓國 Gasware 名物T-Heater就啱晒啦！黑魂外觀營造獨特燈影，森淼追求嘅露營美學approved！就算重裝露營都可以夾輕巧配置，T-Heater 超型格兼輕便攜帶，想入手就要快！PM我哋查詢啦！

【商品規格】
商品尺寸：8cm x 8cm x 16cm
包裝尺寸：10.5cm x 10.5cm x 20cm
重量：310g
建議燃料：高山瓦斯耗氣量：110g/h
商品包含：燙金石主體，不鏽鋼掛鏈，專用攜行袋。

【注意事項】
．完全禁止小孩接觸與小孩單獨使用。
．請使用中等火力，火焰以不溢出燙金石外蓋為主。
．長期使用最大功率時，可能會因為超高溫而導致產品變形，所以請使用適當的火力大小。
． 使用時，周圍請遠離易燃物。
． 使用時，周圍應保持40公分以上的距離，燙金石的頂部應保持50公分淨空。
．使用後，請充分冷卻，再將燙金石主體與瓦斯罐分離。（以防燙傷）
．請勿在密閉空間中使用，睡覺前請務必關閉，勿使用。
．請單獨使用燙金石暖爐，勿與其他熱源或火源放置太近！恐有熱加乘效應而發生危險。
．燙金石底部之鋁製散熱鰭片是用來散熱保護瓦斯罐使用，請勿自行拆除、改裝，並遠離火源（熱源），且經常保持空氣流通。

森淼T-HEATER傳送門

遇上好品牌，就有責任道出好故事。
今次登場品牌：Matador

「PERFORMANCE、SIMPLICITY、INNOVATION」
專注於：高性能、簡潔、創新

Matador，一直從設計、材料技術、結構上
開發唔同嘅工程級高性能旅行裝備。
佢哋相信：「旅行，就係取得新觀點最好嘅途徑，」
為咗旅人更放方便，所有嘅產品都非常輕便、好用，
十級專業，感覺上也是超Cool的。好有科技感。

Matador設計總部位於科羅拉多州博爾德市，
所有設計是喺經過驗證啄結構同材料應用嘅基礎上進行，
所有產品都可以係任何條件下正常運行，
每個細節、決定，都以性能為先，
從材料、塗層、硬件和功能部件均仔細考慮，
以確保最終性能不受影響。

除此以多，仲會消除所有不必要嘅部件，
保持成品，更輕，更耐用。
簡潔、高性能、同時創新。
每件產品都充滿科技感，
用上手亦都非常方便。

Matado香港正式登陸森淼，

Matadorr評價一直都好好！

絕對係行Ultra Light路線旅人必備。

“IRON CRAFT”由熱愛營火嘅創辦人-黑田先生所研發出嘅車庫品牌

創造出散發出唔同壓倒性鐵元素裝備。
而今次登場嘅就係『ITADAKI』-多功能營火炊具廚房系統。

一開始『ITADAKI』研發者從釣魚慢慢鍾意上露營，
但當佢搵緊一個可以喺露營時用嘅煮食架，
佢就發現完全冇佢想要嘅尺寸，
而佢更加想要嘅係一個營火組合，
而佢有位朋友同佢講而家有一啲相同嘅裝備時，
佢就發現佢想重新去創作出一種只屬於營火專屬嘅廚房系統。

因為其實營火煮食風味係其他煮食方式完全唔同
從熱傳導、熱功率等都完全唔一樣
營火煮食所出嚟嘅食物通常都大有原始嘅炭火風味
亦亦有使用營火先會品嚐到呢種風味

ITADAKI可以懸掛炊具，所以不僅 喺煮食時使用方便，
而且還起到了展示及收納作用。
此外， 喺ITADAKI 中，架子 可以用作用作檯面。
高度正好適站著切食材。 將切好的食材交給他人，邊煮邊煮。
透過呢種合作成為另一種煮食樂趣

希望一切都以營火出發就係“IRON CRAFT”嘅原點
森淼 真係好想將營火文化更好推廣
並已經成為“IRON CRAFT”嘅獨家代理
希望將更多營火嘅樂趣帶畀香港嘅露營愛好者
大家可以持續留意森淼嘅Ig報道
同喺我哋嘅官網入手↓↓
www.summitdept.com/

#森淼山具社
#summitdept
#露營煮食
#營火美學