營火好有Feel 之「井型」篇

營火好有Feel 之「井型」篇

上次介紹過以3支柴做主結構嘅營火設置，今次就介紹以4支柴為主嘅另一款設置 – 「井型」式營火。

如圖所示，呢個設置非常簡單易砌，只需要將排成「1 1」字嘅兩支柴，橫直橫直咁互相交疊，形成一個井型嘅柴台，而最底嗰層嘅中間位置就可以放自己用開嘅助燃物起火。

呢個設置最大嘅好處係每層都有大量嘅空間畀鮮風通過，一旦成功點火，就好容易生火，並且火勢平均；而且火力比上篇介紹嘅「三木式」更持久。
「井型」式要起得好，亦都有少少技巧要注意㗎：第一係柴嘅粗幼長短要平均，第二係疊起嘅時候要保持平衡，唔係就會好似玩層層疊咁好易冧㗎喇！

以上所講嘅都只係隔mon show 樣。營火嘅美，真係要親身體會過先感受到！同埋都係嗰句，要玩就一定要用啱嘅配件，同喺合適嘅地方先好生火！Enjoy～

#森淼山具社 #露營美學 #重裝露營 #焚火是一種信仰 #焚火爐 #營火美學 #火之美學 #營火要小心